مثل السحر حدِّي ع السرير
مثل حبة ندى ع وش الصبح
مثل نهد ملفوف بحرير.
شميتك، ريحة شعرك حبق
والرقبة.. من الشام الياسمين
ولون الخد... جوري ع حفة بير.
فتحتي عيونك غار البن
وفنجان القهوة انكسر
ضحكتي صار تختنا ملعب عصافير.
بحبك يا حَب البن
عشقان حَب الهال.
يا قهوة عنار الجمر
وحكايات عم تنقال.
ضميتك لصدري... نزلوا عصدري تلال
ضوى وشك بالعتم
ونزل الشعر شلال.
تنادينا لصلاة نص الليل
غفيان كان القمر بالسما
وغفيان نجم سهيل
ولمن قرّب منا الصبح..
وانهد منا الحيل..
صارت الآه من تمك قصيدة
ومن تمي صارت موال.
